Label
គេហទំព័រភ្នំពេញ អភិវឌ្ឍន៍កំពុងសាកល្បង
ស្ងាត់ឈឹងអត់ដែរឃើញកងរាជអាវុធហត្ថនិងនគរបាលក្រុងប៉ោយប៉ែតបង្រ្កាបសោះ ល្បែងអនឡាញ ល្បែងភ្នាល់ចាក់បាល់
Di,10 Dezember 2019 (Time 04:01 )
ដោយ ៖ ភ្នំពេញ អភិវឌ្ឍន៍ (ចំនួនអ្នកអាន: 203នាក់)


បន្ទាយមានជ័យ÷ តាមការសង្កេតបានឲ្យឃើញថា ល្បែងសុីសងដោយភ្នាល់តាមប្រព័ន្ធអនឡាញនៅតែមានការបើកលេងយ៉ាងសប្បាយរីករាយ ទោះបីជាមានការចរាចរណ៍ណែនាំពីរាជរដ្ឋាភិបាលកម្ពុជាអោយបិទក៏ដោយ តែសំរាប់ក្រុងប៉ោយប៉ែតវិញ នៅតែអាចបើកលេងដោយមិមានការរំខានពីសមត្ថកិច្ច។ មតិមហាជនបានលើកឡើងថា ប្រហែលជាបទបញ្ជាររបស់សម្តេចតេជោ ហ៊ុន សែន នាយករដ្ឋមន្ត្រីនៃប្រទេសកម្ពុជា គ្មានតំលៃក្នុងក្រសែភ្នែករបស់សមត្ថកិច្ចក្នុងក្រុងប៉ោយប៉ែតទេមើលទៅ ទើបមិនឃើញចេញសកម្មភាពចុះបង្រ្កាបល្បែងអនឡាញទាំងនោះ ។ តើគោលនយោបាយទាំង៩ចំនុចរបស់រាជរដ្ឋាភិបាលដើម្បីភូមិ/ឃុំ មានសុវត្ថិភាព សមត្ថកិច្ចក្រុងប៉ោយប៉ែតមានការយកចិត្តទុកដាក់និងអនុវត្តតាមដែររឺក៏អត់?

តាមការសង្កេតបច្ចុប្បន្ននេះទីតាំងល្បែងភ្នាល់តាប្រព័ន្ធអនឡាញនៅចំនុចទល់មុខហាងមីហិល ផ្លូវដើមពុទ្រ្ទាក្នុងភូមិក្បាលស្ពាន២ និងល្បែងអនឡាញនៅត្បួងស្តង់ជ្រូកចំងាយប្រហែល៥០ម៉ែត្រ ទល់មុខហាងលក់សំភារៈសិក្សា សៀវ ហាំងលី លី ស្ថិតក្នុងភូមិប៉ាលិលេយ្យ១ និងទីតាំងហ្គេមអនឡាញមួយចំនួនទៀតនៅតែមានការបើកអោយយុវជនខ្មែរចូលទៅ ចាក់បាល់ ភ្នាល់ ដោយរលូន ។ តាមប្រភពពីពលរដ្ឋមួយចំនួននៅតាម ហាងគុយទាវ និងហាងការហ្វេ បាននិយាយថា តើអោយសមត្ថកិច្ចបង្រ្កាបល្បែងសុីសងទាំងនោះបានយ៉ាងមិចទៅ បើទីតាំងល្បែងភ្នាល់ចាក់បាល់តាមអនឡាញមួយចំនួនជារបស់សមត្ថកិច្ច អ្នកមានអំនាច និង ទីតាំងមួយចំនួនទៀតបានបង់លុយអោយទៅសមត្ថកិច្ចអោយហើយ។

មហាជនរិះគន់ថា នៅក្រុងប៉ោយប៉ែតសព្វថ្ងៃនេះពាក់ព័ន្ធទៅនិងបញ្ហាល្បែងសុីសង ប្រភេទ បៀ អាប៉ោង និងល្បែងភ្នាល់តាមអនឡាញ មានចាក់បាល់ ល្បែងសន្លឹកបៀតាមអនឡាញ និង ហ្គេម កំពុងវាយប្រហារសន្តិសុខយ៉ាងខ្លាំង ដោយពលរដ្ឋមានការភ័យខ្លាចចំពោះបញ្ហា ចោរ លួច ឆក់ និង ប្លន់ ព្រោះវាជាកើតចេញពីប្រភពល្បែងសុីសងទាំងនេះ។ មហាជនបន្តថា តើពេលណាទើបលោកវរសេនីយ៍ឯក ធិន សុិនដេត អធិការនគរបាលក្រុងប៉ោយប៉ែត និង លោក នួន នីណារ៉ូ មេបញ្ជាការកងរាជអាវុធហត្ថក្រុង ធ្វើការបោសសំអាតល្បែងអនឡាញ ល្បែងបៀ អាប៉ោង និងល្បែងកន្ទុយលេខ? រឺនៅតែបន្តអសកម្មក្នុងការបង្រ្កាបដើម្បីជាថ្នូរទទួលផលប្រយោជន៍ពីល្បែង និងពីម្ចាស់ទីតាំងអនឡាញទាំងនោះ។


ពលរដ្ឋអំពាវនាវដល់លោកឧត្តមសេនីយ៍ទោ អាត់ ខែម ស្នងការនគរបាលខេត្ត និង លោកឧត្តមសេនីយ៍ត្រី បោន ប៊ិន មេបញ្ជាការកងរាជអាវុធហត្ថខេត្តបន្ទាយមានជ័យ មេត្តាត្រួតពិនិត្យការអសកម្មរបស់មន្រ្តីក្រោមឧវាទផងទាន ព្រោះត្រូវបានមហាជលើកឡើងនិងបញ្ចេញមតិរិះគន់ថា អសកម្មក្នុងការបង្រ្កាបល្បែងសុីសង ល្បែងអនឡាញ និង ល្បែងកន្ទុយលេខបានរីកដុះដាលពាក់ពេញក្រុងប៉ោយប៉ែត ស្ទើប្រែក្លាយជាទីផ្សារសេរីទៅហើយ ៕

ព័ត៌មានគួរចាប់អារម្មណ៍

ស្លាប់ជិត១០នាក់ របួស៤នាក់ ក្នុងហេតុការណ៍រន្ទះបាញ់ នៅខេត្ត បាត់ដំបង (ភ្នំពេញ អភិវឌ្ឍន៍)

ព័ត៌មានគួរចាប់អារម្មណ៍

ពិតជាពូកែមែន កម្លាំង នគរបាលប៉ុស្តិ៍ រដ្ឋបាល ប៉ោយប៉ែត តាមចាប់បានភ្លាមៗ (ភ្នំពេញ អភិវឌ្ឍន៍)

ព័ត៌មានគួរចាប់អារម្មណ៍

សមត្ថកិច្ចក្រុង ប៉ោយប៉ែត រងការិះគន់ ថា មិនហ៊ានបង្រ្កាបទីតាំង ចាក់បាល់ របស់កូនមេភូមិ ប៉ាលិលេយ្យ២ (ភ្នំពេញអភិវឌ្ឍន៍)

ព័ត៌មានគួរចាប់អារម្មណ៍

ខេត្តស្វាយរៀង: គោក្របីជាង ២០ ក្បាល បានងាប់ និង ជិត ១០០ ក្បាល កំពុងឈឺ (ភ្នំពេញ អភិវឌ្ឍន៍)

ព័ត៌មានគួរចាប់អារម្មណ៍

មាន់ ០២ ក្បាលសោះ លោកអនុសេនីយ៍ឯក សៀន វណ្ណា ជម្រិត ទារលុយ ៤០០ បាត ត្រូវស្រ្តីម្នាក់ ប្តឹងទៅអគ្គនាយកដ្ឋានអន្តោប្រវេសន៍ (ហ្រ្វាយដេ ដេលីញូ)

វីដែអូ

ចំនួនអ្នកទស្សនា

ថ្ងៃនេះ :
1891 នាក់
ម្សិលមិញ :
4106 នាក់
សប្តាហ៍នេះ :
40234 នាក់
ខែនេះ :
147282 នាក់
3 ខែនេះ :
293807 នាក់
សរុប :
834164 នាក់