Label
គេហទំព័រភ្នំពេញ អភិវឌ្ឍន៍កំពុងសាកល្បង
លោក ផាត សុផាន់ណា មេនគរបាលអន្តោ​ប្រវេសន៍​ច្រក​ទ្វារ​អន្តរជាតិ​ដូង កំពុងរងការរិះគន់ថា អង្គុយយកលុយលើទឹកភ្នែករាស្រ្ត
Mon,27 May 2019 (Time 07:16 AM)
ដោយ ៖ ភ្នំពេញ អភិវឌ្ឍន៍ (ចំនួនអ្នកអាន: 287នាក់)


ខេត្តបាត់ដំបង៖ តាម​សេចក្តីរាយ​ការណ៍ពីពលករខ្មែរឆ្លងដែនទៅប្រទេសថៃបានឲ្យដឹងថា លោក ផាត សុផាន់ណា មេនគរបាលអន្តោប្រវេសន៍​ច្រកទ្វារ​អន្តរជាតិដូង  កំពុងបើកដៃឲ្យកូចចៅគាបសង្កត់ករយកថ្លៃធ្វើលិខិតឆ្លងដែន (border pass ) ថ្លៃហួសពីច្បាប់កំណត់ ដើម្បីយកលុយដាក់ហោប៉ៅផ្ទាល់ខ្លួន និងទុកចែកគ្នាធ្វើមានធ្វើបាន ដោយមិនខ្វល់ពីទុក្ខលំបាកពលរដ្ឋខ្មែរ និង មិនខ្វល់ពីបទបញ្ជារថ្នាក់លើសោះឡើយ  ។

ប្រភពពីពលរដ្ឋដែលរស់នៅក្នុង ស្រុក កំរៀង បានឲ្យដឹងថា លោក ផាត សុផាន់ណា មេប៉ុស្តិ៍នគបាលច្រកទ្វារអន្តរជាតិដូង ទើបទទួលបានតំណែងមិនទាន់បានប៉ុន្មានផងបែរជា ត្រូវបានមហាជនរិះគន់ថា កំពុងដើរតាមគន្លងចាស់់ លោក សៅ ប៊ុនរិទ្ធ (អតីតមេប៉ុស្តិ៍ប៉ូលីសច្រកទ្វារដូង)  គិតតែពីផលប្រយោជន៍ផ្ទាល់ខ្លួន និងបក្ខពួកនិយម ដែលសព្វថ្ងៃ គាត់រកចំណូលសេដ្ឋកិច្ចតាមរយៈធ្វើប័ណ្ណព្រំដែន និង​ ប្រភពចំណូលផ្សេងៗទៀត ក្នុង០១ថ្ងៃៗ រាប់មុឺន រាប់សែនបាត(លុយថៃ)។ តាមប្រភពច្បាស់ការបានឲ្យដឹងថា លោក ផាត សុផាន់ណា បានបើកដៃឲ្យកូនចៅរបស់ខ្លួន យកថ្លៃធ្វើលិខិតឆ្លងដែនមួយក្បាល តំលៃ២០ដុល្លារ រហូតដល់ ១០០០ បាត(លុយថៃ) ទៅ១៥០០បាត(លុយថៃ) ដែលការយកតំលៃហួសច្បាប់កំណត់នេះ បាននិងកំពុងល្មើសពីអនុក្រឹត្យលេខ៦៨ ។ដោយឡែកតាមប្រភពមួយទៀតបានឲ្យដឹងថា លោក ផាត សុផាន់ណា ក៏បានចាត់តាំងឲ្យមន្រ្តីក្រោមឱវាទអង្គុយចាំយកលុយពីកម្មករអូសរទេះ ដែលដឹកទំនិញផ្សេងៗចេញពីប្រទេសថៃចូលកម្ពុជាផងដែរ ។

ប្រភពបន្ថែមថា មន្រ្តីនគរបាលអន្តោរប្រវេន៍ដែលនៅកន្លែងបំពេញបែបបទចេញពីប្រទេស បានតម្រូវឲ្យពលករខ្មែរបង់លុយក្នុងម្នាក់ ៥០ (ហាសិបបាតលុយថៃ) ដើម្បីបំពេញបែបបទលើឯកសារឆ្លងដែន បើសំរាប់ពលករខ្មែរដែលមានប៉ាស្ព័រ មិនចង់ឈរតម្រង់ជួរ ហើយចង់លឿនវាយត្រាបែប ( វី អាយ ភី ) ត្រូវបង់លុយក្នុង០១នាក់ ចាប់ពី២០០ (ពីរយបាត) ទៅ ៣០០ (បីរយបាត) បើឈរតម្រង់ជួរតាមធម្មតា យកក្នុង០១នាក់ ១០០ (បាតលុយថៃ)។

តាមប្រភពមួយផ្សេងទៀតបានឲ្យដឹងថា លោក ផាត សុផាន់ណា បានបើកដៃឱ្យពលករខ្មែរឆ្លងដែនដោយខុសច្បាប់ទៅរកការងារធ្វើនៅក្នុងប្រទេសថៃ។ ប្រភពបន្តថា លោក ផាត សុផាន់ណា មេប៉ុស្តិ៍ច្រកទ្វារអន្តរជាតិដូង បានដាក់ពង្រាយកម្លាំងក្រោមឱវាទជាច្រើនទៀត ក្រោមការគ្រប់គ្រងរបស់ខ្លួនបើកច្រករបៀងមួយទៀត ដែលគេនិយមហៅ ថាច្រកស្វាយចេក(ដើមចាន់គីរី ) ស្ថិតនៅខាងលិចច្រកដូង ឃុំ បឹងរាំង ស្រុកកំរៀង ខេត្តបាត់ដំបង ដែលមានមនុស្សចេញចូលនៅពេលកណ្តាលយប់ និង ទៀបភ្លឺរាប់រយនាក់ក្នុងមួយយប់ៗ ។


តាមប្រភពច្បាស់ការណ៍បានឲ្យដឹងថា លោក ផាត សុផាន់ណា ដែលទើបនឹងឡើងកាន់តំណែងជាមេប៉ុស្តិ៍នគរបាលច្រកទ្វារអន្តរជាតិដូង​ថ្មីៗនេះរួចមក មិនទាន់អង្គុយកៅអីខ្លាញ់ឲ្យបានក្តៅគូថផងស្រាប់តែធុំក្លិនមិនសូវស្រួលឡើយ ខណៈដែលពលករខ្មែរចេញចូលទៅធ្វើការនៅ​ប្រទេសថៃ កំពុងរងការឈឺចាប់ក្តៅក្រហាយកាន់តែខ្លាំងឡើងៗជាមួយនឹងទង្វើរបស់លោក ផាត សុផាន់ណា ដែលកំពុងក្តោបអំណាច​យ៉ាងព្រហើន ល្មើសទៅ នឹងអនុក្រឹត្យលេខ៦៨ របស់រាជរដ្ឋាភិបាលនិង បទបញ្ជារក្រសួងមហាផ្ទៃក្នុងក្របខ័ណ្ឌទូទាំងប្រទេស ដែល​បច្ចុប្បន្ននេះ លោក ផាត សុផាន់ណា ប្រើអំណាចជាមេប៉ុស្តិ៍នគរបាលច្រកទ្វារអន្តរជាតិដូង​ ដើម្បីជម្រិតទារប្រាក់ពីពលករខ្មែរយ៉ាងចាស់​ដៃបំផុត​ នៅចំណុចច្រកដូងនេះ ដោយគ្មានញញើតកោតខ្លាចចំពោះសម្តេចតេជោហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា ដែលធ្លាប់បានដាក់ការស៊ើប​អង្កេតត្រួតពិនិត្យ និង ចាត់វិធានការពីភាពមិនប្រក្រតីនេះជាច្រើនលើកច្រើនសារមកហើយពាក់ព័ន្ធ នឹង មន្ត្រីជំនាញដែលតែងតែយកលុយលើសពីលិខិតបទដ្ឋានតាមច្បាប់កំណត់និងរំលោភលើការផ្តល់សិទ្ធសេវាអនុគ្រោះដល់ប្រជាពលរដ្ឋ។

ដូច្នេះហើយទើបប្រជាពលករខាងលើបានសំណូមពរដល់ លោក គៀត ច័ន្ទថារិទ្ធ អគ្គនាយក នៃ អគ្គនាយដ្ឋាននគរបាលអន្តរប្រវេសន៍ និង លោក ឪម​ យិុនទៀង ប្រធានអង្គភាពប្រឆាំងអំពើពុករលួយ មេត្តាពិនិត្យស្រាវជ្រាវនូវទង្វើរបស់លោកផាត សុផាន់ណា ដែលថ្នាក់លើមិនគួរមើល​រំលងពីទង្វើរបស់នោះទេ ។

ជុំវិញរឿងរ៉ាវដូចខាងលើនេះ អង្គភាពគេហទំព័រ ភ្នំពេញ អភិវឌ្ឍន៍ បានស្វែងរកសុំការបំភ្លឺពី លោក ផាត សុផាន់ណា មេប៉ុស្តិ៍នគរបាលច្រកទ្វារអន្តរជាតិដូងផងដែរ តែរហូតមកទល់និងស្មើនេះនៅមិនទានអាចសុំការបំភ្លឺបាននោះទេ ព្រោះគ្មានលេខទូរស័ព្ទ ។ ដូច្នេះអង្គភាពយើងរងចាំការបំភ្លឺរៀងរាល់ម៉ោងធ្វើការ៕

ព័ត៌មានគួរចាប់អារម្មណ៍

មេព្រៃសំដី គ្មានសុជីវធម៌ ត្រូវបានថ្នាក់លើ បញ្ជួនទៅរៀនច្បាប់បន្ថែម (ភ្នំពេញ អភិវឌ្ឍន៍)

ព័ត៌មានគួរចាប់អារម្មណ៍

មហាជនអស់ជំនឿ ចំពោះអាជ្ញាធរពាក់ព័ន្ធក្នុងខេត្តបន្ទាយមានជ័យ ក្រោយរាយការណ៍ថា រកឃើញឈើជាច្រើនសង្ស័យខុសច្បាប់ តែអាជ្ញាធរមានសមត្ថកិច្ចអត់មកបង្រ្កាប (ភ្នំពេញ អភិវឌ្ឍន៍)

ព័ត៌មានគួរចាប់អារម្មណ៍

កូនប្រុសអនុប្រធានពន្ធនាគារខេត្តកណ្តាល និង បក្សពួក ត្រូវបានសមត្ថកិច្ចឃាត់ខ្លួន (ភ្នំពេញ អភិវឌ្ឍន៍)

ព័ត៌មានគួរចាប់អារម្មណ៍

ពិតជាខ្មាស់គេណាស់..! លោក ដួង ពេជ មានឋានន្តរស័ក្តិផ្កាយ០២ តែបែរជាក្លាយខ្លួនជាមេបនល្បែង ទង្វើបែបនេះលោកឧត្តមសេនីយឯក ស្រី ឌឹក គួរធ្វើយ៉ាងណា? (ភ្នំពេញ អភិវឌ្ឍន៍)

ព័ត៌មានគួរចាប់អារម្មណ៍

កុំថាឡើយពលរដ្ឋធម្មតារត់ សូម្បីតែលោកផ្កាយ០២ ដួង ពេជ មេបញ្ជាការរងកងពលធំលេខ៣ ក៏រត់បាតជើងសព្រាតដែរ... (ភ្នំពេញ អភិវឌ្ឍន៍)

វីដែអូ

ចំនួនអ្នកទស្សនា

ថ្ងៃនេះ :
1891 នាក់
ម្សិលមិញ :
4106 នាក់
សប្តាហ៍នេះ :
40234 នាក់
ខែនេះ :
147282 នាក់
3 ខែនេះ :
293807 នាក់
សរុប :
834164 នាក់